CONTACONTOS

Iago, o contacontos que a editorial Xerais trouxo ao noso Centro, fíxonos pasar un rato divertido representando os contos do libro de Mª Victoria Moreno, "Eu conto, ti cantas"

CON DIEGO VIAÑO

Que ben que estemos no METEOESCOLAS! Aprendemos moitas cousas, coñecemos aos homes do tempo da TVG e....ata saímos na mesma TV.

OS ÓSOS MISTERIOSOS

Ante o achado duns restos óseos no patio do colexio, vímonos na necesidade de “informar” ao policía que ese día realizaba a garda no colexio. Outra posibilidade que apuntaban algúns compañeiros era a de chamar a algún arqueólogo (por se acaso!).

Despois dunha breve investigación, o policía determinou que…algún veciño fixera un cocido nos días anteriores e, aqueles ósos non viñan sendo máis que os restos dos lombelos que estiveran previamente no prato. Suspense aclarado!!!

O CICLO DA AUGA

Evaporación - condensación e precipitación son termos que comprendemos experimentando.
Aquí temos unha mostra dos noveles, pero fantásticos,  científicos. Un hurra por Lucía, Mª José e Jacobo!!

 

 

ASÍ NOS DISFRAZAMOS...

                                                                                                 

   

...E SEGUIMOS CUMPLINDO ANOS

Esta vez é Melania a que ingresou no club dos oito anos. Felicidades, guapa!!!!

SOMOS OS HOMES E AS MULLERES DO TEMPO

Como cada mércores, esta semana baixamos medir a temperatura e a cantidade pluviométrica recollida na estación metereolóxica. A xogo co día, abrigámonos convenientemente e puxemos as nosas mellores galas.

Nesta ocasión foi Sabela a encargada de tomar debida nota da información recollida.