VISITA DE PAPA NOEL

Hoxe, ás 13:00 horas, recibimos a visita de Papá Noel. Repartiunos caramelos, interesouse polo que estabamos facendo na aula, recolleu as nosas cartas....e accedeu a facerse unha foto con todos nós.

CREANDO CON PAPEL RECICLADO

Utilizando como soporte aquel papel que nós mesmos elaboramos a primeiros de novembro, pintamos con témpera e montamos esta magnífica exposición:

  Morcegos,

 
                 baleas,


                             coellos,


                                            dragóns,


                                                       osos...

 Bonita experiencia que nos permitiu comprobar a dificultade que ten pintar sobre unha superficie fráxil e un tanto rugosa como resultou o papel que tiñamos fabricado.

A POLO ÚLTIMO CUMPLE DO 2018!!

Felicidades, María!!!

FELIZ CUMPLE, DAVID!!!

Hala, David! Xa cumpliches oito aniños. A disfrutalos con alegría!!

                                                                               

FABRICANDO UNHA BRÚXULA

Un envase de cristal, un tapón de corcho, unha agulla, un imán, unha rosa dos ventos e un pouco de auga foron os materiais que empregamos para fabricar a nosa propia brúxula. Agora xa non imos "perder o norte" nunca máis!

                      https://photos.app.goo.gl/AThgDzHF7ByZ6tXz7

ANDAINA POLA EDUCACIÓN VIARIA

Esta actividade foi programada e organizada pola Policía Local. O "presunto" obxectivo era que o alumnado poidera poñer en práctica os coñecementos que se lle imparten nas clases de Educación Viaria que vén desenvolvendo nos Centros un membro dese Corpo.
A realidade foi que, todos, alumnado, mestres, policías, membros das AMPAS...fixemos unha moi agradable andaina polo paseo novo e, a maiores, vimos aterrar o helicóptero PEGASUS que trouxeron para a ocasión e, á velocidade do raio, puidemos subir á cabina, agasalláronnos con  froita e xogamos no parque, que foi o que máis nos gustou. A que si, rapaces?
O Sr. Alcalde aporveitou a ocasión para darse un baño de masas.

E ASÍ FIXEMOS PAPEL RECICLADO....

EN HALLOWEEN....

Viñemos así de "terroríficos"

ANDAINA SOLIDARIA

Aí estivemos todos: mamás, papás, avós, pequenos e grandes, profes, Xaquín, Pepita....todos participamos nunha andaina divertida pero, sobre todo, solidaria.
O recaudado -algo máis de 600 €- entregóuselle a unha asociación que colabora na loita contra o cancro.

   

CULTIVANDO A HORTA

"Mercamos" un terreniño para poder adicarnos ás labores agrícolas. Fabóns, repolos, navizas, xudías... están xa sementados e prantados.

 

 

E, na jardinera que temos adxudicada dentro do programa Voz Natura, xa están medrando diferentes herbas aromáticas e, en breve, plantaremos hortalizas e outras plantas de tipo ornamental.
Mil grazas ás familias que están colaborando aportando todas as plantas e as sementes que enchen o noso horto.


                                                       

EXHIBICIÓN DOS SERVIZOS DE EMERXENCIA

O día 2 de outubro fomos convidados a ver unha demostración dos servizos de emerxencia que o Concello pon a disposición dos cidadáns. A actividade tivo lugar na Praza de Galicia. A continuación deixamos documento gráfico do vivido.

PARABÉNS, LUCÍA!

Comezamos un novo curso e xa inauguramos a tempada de aniversarios. Lucía, tocouche ser a primeira! Parabéns, guapa!

"O ACHADO DO CASTRO"

Despedimos o curso representando a obra "O achado do castro". Aquí deixamos algunhas fotos.


                                                       

FELICIDADES, ANTÓN!!

Facerse maior é o que  toca!! Oito, Antón, oito!!!! A disfrutar cada día!!!

DE MUSEOS

Hoxe tocou saída a Santiago. O Museo do Pobo Galego e o de Ciencias Naturais ocuparon parte do noso tempo na capital de Galicia.
Que valor! Canto contido para un só día! Canto aprendimos e que ben o pasamos...a pesar do día chungo que nos tocou! Hoxe Santiago respondeu á súa fama: tivemos poalla todo o día!
Aí queda parte da documentación gráfica do día.

VIAXANDO AO PASADO

A cidade romana de Toralla, cos monitores Pablo e Lau que, de xeito fantástico nos transportaron á época romana,  Salinae (a única salina da época romana que se conserva no mundo mundial por evaporación solar) e, por último, o zoo (que ten mooooito que mellorar), foron os destinos da nosa excursión.

CON OITO....NON BASTA!!!

Felicidades á riseira Saray!!. Pouco a pouco, imos entrando no clube dos oito aniños!!!

TEATRALIZANDO...

Igual temos unha pretensión moi alta, pero ....por pretender que non quede.
Así é que ...aspiramos a poder representar "O achado do castro" para finais de curso.
Será á nosa maneira, claro está. Se na familia queredes comprender ben de que vai a historia, aí vos deixamos unha imaxe da portada da obra. (Tamén a temos na clase, por se alguén está interesado)

SEMANA CULTURAL

Dos oficios tradicionais ía todo. A ourivería, a carpintería de ribeira, os oleiros, os serranchíns...
Unha visita aos Asteleiros de Gerardo Triñanes, colares, colgantes, presentacións na biblioteca....

                     
                                                                                                                 

                                                  

FELICIDADES, PRINCESA!

 E, que boa estaba a bica!  A peque Sabela cumple 8 aniños! Ímonos facendo maiores, eh!!!

Parabéns para ti,
nesta data querida,
moita felicidade
e moitos anos de vida!

                                                                                                                          

APRENDEMOS A FACER COMPOSTAXE

Un dos obxectivos do proxecto sobre a reciclaxe que estamos estudando é o de reutilizar os residuos orgánicos para facer compost.

      O primeiro que fixemos foi poñernos
      en contacto co Concello para que nos
       facilitara un composteiro.

      Como non tiñan, ofertáronnos a posibilidade
      de facelo nós mesmos utilizando palés
       que eles mesmos nos enviarían.

Coma tantas veces, contamos coa inestimable
 colaboración de Xaquín, que se puxo
mans á obra de inmediato.

    Nada máis traernos Nacho os palés necesarios,
     dun día para outro,  o noso Conserxe fixo a           maxia.

Investigamos os materiais que deben ir
no composteiro e, ben provistos de luvas,
 dirixímonos ao monte a buscar
 parte da materia prima necesaria.

                                                                               

                                                                                                                                                                                                                                                                                                                                                                                                                                                                                     
E aí nos tedes metendo o material recollido no monte no composteiro.  De agora en diante, distribuidos en equipos, imos ir incorporando a materia orgánica que se  recolla nos distintos contedores distribuidos polo colexio.